Алматы қалалық перинаталдық орталығында бүгін халықаралық сарапшылар – анестезиолог-реаниматолог дәрігерлердің қатысуымен 5 күндік практикалық сабақтардан тұратын оқу семинар-тренингі басталды.
Курстың ерекшелігі – практикалық бағыттағы оқыту форматы. Қатысушылар клиникалық алгоритмдерді және респираторлық қолдаудың заманауи әдістерін шынайы медициналық жағдайларға барынша жақын ортада меңгереді. Мұндай білім беру іс-шаралары медицина қызметкерлерінің кәсіби құзыреттілігін арттыруға және ересектер мен балаларға көрсетілетін қарқынды терапия сапасын жетілдіруге ықпал етеді. Қалалық перинаталдық орталық медициналық қызметкерлер үшін кәсіби білім беру жүйесін дамытуды және заманауи оқыту технологияларын енгізуді жүйелі түрде жалғастырып келеді.
